طبعا كلنا تابعنا القضية التى اثارت الرأى العام الفترة الاخيرة و هى قتل محمد راجح للشهيد محمود البنا ..
طبعا حوادث القتل كتيرة فى بلدنا و الدم بقى شى مستباح وعادى خصوصا بعد الثورة و المشاهد العنيفة التى شهدتها البلد
و جرايم كتير بتحصل يوميا و بيبت فيها ,لكن اية اللى خلى القضية دى تشغل الرأى العام ؟؟
خلينا نرجع بالزمن شوية و نفتكر محمود العيسوى اللى اتاخد كبش فدا بدل ابن احمد نظيف فى حادثة مقتل ابنة ليلى غفران
و يقال انه كان اقل من 18 سنة و فضل محبوس لحد ما عدا السن و اتعدم و دة غير قانونى طبعا .. السن بيتحسب من وقت وقوع الجريمة
و كتير سمعنا عن حوادث قتل و اغتصاب اطفال صغيرة من اطفال تحت السن بردو و اتحاكموا قدام محكمة الطفل .
اذن هنا مفيش قانون معين ماشيين عليه .. الحكم بحسب النفوذ و السلطة و مين ايده طايلة اكتر بالبلدى كدة هو اللى بياخد حقه سواء جانى او مجنى عليه
نرجع لقضية راجح .. فى جرايم ابشع بكتير حصلت على مدار سنوات و راجح دة لو كان شخص عادى كانت القضية هتعدى عادى و ممكن يتحاكم قدام محكمة الطفل عادى
لكن اللى قلب الدنيا وخلاها قضية رأى عام هو نفوذ اهل راجح و تخوف الناس ان القضية تتطبخ و تتقفل
هو ممكن يكون اقل من 18 سنة فعلا .. بس من جبروت و بلطجة و نفوذ عيلته الناس على طول اتهمتهم بالتزوير
اتمنى القضية دى يتحكم فيها بالعدل مش فى صالح اللى له نفوذ اكتر
اتمنى لو فى تزوير فى السن يقدروا يكشفوه
اتمنى نار ام محمود البنا تبرد و لو ان مفيش اى حاجة هتعوضها
و سواء خد اعدام او اتحاكم بقانون الطفل فانت يا راجح خلاص مت و انتهيت .. انت بقيت مجرم و منبوذ من المجتمع كله حتى لو خرجت منها
#اعدام_راجح_حق_محمود_البنا_فين
#راجح_قاتل
No comments:
Post a Comment